Conor McGregor i është përgjigjur Liam Neeson pasi deklaratës se ai i vë Irlandës "një emër të keq".
Neeson thirri McGregor gjatë një interviste për Men's Health, ku po tregonte se nuk mund ta duronte UFC-në. “Kjo për mua është si një sherr në bar. E di që praktikuesit thonë: "Jo, e keni gabim - muajt e stërvitjes që bëjmë..." Pse nuk e kapni një shishe birre dhe e goditni djaloshin tjetër në kokë? Kjo është faza tjetër e UFC-së.”
Ai shtoi: “E urrej…. Leprechauni i vogël Conor McGregor, ai i vë një emër të keq Irlandës. E di që është në formë dhe e admiroj për këtë. Por nuk mund ta duroj.” Tani, McGregor duket se i është përgjigjur sulmit të Neeson. Në vend që të përgjigjej, ai shkroi në Twitter: "Irlandez krenar - gjithmonë", krahas një emoji të flamurit irlandez.
Aktori është përballur me kritika në të kaluarën pas komenteve në intervista. Në vitin 2019, ai rrëfeu një histori ku pranoi se dikur bredhte rrugëve duke kërkuar një "bastard të zi" për ta vrarë pasi mësoi se një mike e tij ishte përdhuunuar nga një burrë me ngjyrë.
Liam më vonë kërkoi falje gjatë një paraqitjeje në Good Morning America. "Unë nuk jam racist, kjo ishte 40 vjet më parë," tha ai. “Unë jam rritur në veri të Irlandës. Vitet ‘60, ‘70 dhe ‘80. Kishte një luftë që po ndodhte në veri të Irlandës. Unë kisha të njohur që ishin përfshirë në telashe. Fanatizmi. Një katolik do të vritej, të nesërmen do të vritej një protestant. Unë u rrita i rrethuar nga kjo.” Ai shtoi: “Ne të gjithë pretendojmë se jemi të gjithë politikisht korrekt. Por ndonjëherë ju thjesht gërvishtni sipërfaqen dhe zbuloni këtë racizëm dhe fanatizëm, dhe ai është atje.”
