Kryetari i PD-së, Sali Berisha akuzon kryeministrin Rama se përdor McGongial për të vrarë opozitën. Në takimin që Berisha zhvilloi me kandidatët për kryetar bashkie, tha se SHBA nuk po i ndahet Ramës, duke garantuar se edhe opozita nuk do ti ndahet.
Berisha u bëri thirrje kandidatëve të tij që të shumëfishojnë përpjekjet në këtë fushatë elektorale.
Ai u shpreh se do të merren vetëm me Edi Ramën, deri në largimin e tij, pasi është ai që po shkatërron demokracinë dhe votën e lirë.
“Nuk është vetëm një McGonigal. Ky ka shpërndare dhe shpërndan me Duckot e tij shuma, ky blen vendime kundër opozitës dhe Shqipërisë.
Ky është i pashpresë, ky është një kufomë e pakallur, e shof që çdo ditë SHBA nuk i ndahet, ju garantoj se edhe ne nuk do ti ndahemi derisa ti japim vendin e merituar.
Nuk ka qeverisje, nuk ka demokraci me këtë njeri. Ndaj dhe ju ftoj të shumëfishoni përpjekjet tuaja në këtë fushatë elektorale.
Cdo orë që kalon është një orë e çmuar për ju, për ju dhe komunitetin tuaj. Fitorja në këto zgjedhje ka një rendësi të jashtëzakonshme historike. Keni të gjithë potencialet për të fituar zgjedhjet
Kemi detyrë gjithashtu që ne emër të kësaj fitoreje të mobilizojmë të gjithë fuqinë tonë, për të nxjerrë nga skena një demon pushteti.
Ju garantoj ju se në shpirtin e zi nuk dallon, por është një klonim besnik i të atit të tij xhelat, në pamje të parë intelektual, por që nuk nguronte të firmoste varjen me litar të një intelektuali tjetër, që me poezitë e tij u thoshte shqiptarëve të vërteta të mëdha.
Rama përdor McGonigal si vrasës me pagesë kundër opozitës shqiptarë. Përdor të tjerë si vrasës me pafesë kundër opozitës shqiptarë, përdor gjykatës si vrasës me pagesë kundër opozitës
Ne do merremi me Edi Ramën, largimin e tij sa më parë nga pushteti. Faleminderit shumë dhe ju uroj fitore”, tha Berisha.
