Në një bashkëbisedim online me qytetarët, kryetari i Partisë Demokratike Sali Berisha u ndal sërish te çështja e inceneratorëve. Berisha tha se nëse preket Ahmetaj bien brenda dhe vetë Rama bashkë me SPAK-un. Kryedemokrati tha se ai është nën mbrojtjen e plotë të SPAK-ut.
"Për Arben Tigrin, Sali Berisha dhe opozita ka folur më shumë se për çdokënd tjetër. Por Arben Tigri është nën mbrojtjen e plotë të SKAP-it dhe Edi Ramës. Sepse një qime floku po i lëvizi atij, bie Edi Rama dhe vetë SPAK-u që është i përvëluar nga paratë e inceneratorëve. Sali Berisha dhe opozita nuk do kursejë asnjë njeri në këtë përpjekje. Edi Rama është armik i egër i votës. E gjithë beteja jonë është largimi i tij nga pushteti. Unë e konsideroj akt patriotik vendimin e çdo emigranti dhe qytetari të diasporës të vijë dhe të votojë në Shqipëri. Ne do bëjmë gjithçka që të votoni në vendet ku jetoni për zgjedhjet në Shqipëri. Beteja jonë do të vazhdojë deri në fitoren tonë," tha Berisha.
