Një 39-vjeçar është arrestuar nga policia e Tiranës ndërsa i janë sekuestruar 540 gramë kanabis. Në pranga përfundoi Jurgen (Klodian) Sula. Gjatë kontrollit të ushtruar në banesën e tij, shërbimet e Policisë kanë gjetur rreth 540 gramë lëndë të dyshuar narkotike cannabis sativa, 1 peshore elektronike dhe qindra qese farmaceutike për ndarjen në doza të lëndëve narkotike. Ato dyshohet se ishin bërë gati për shitje.
Ato u sekuestruan në cilësinë e provës materiale, së bashku me një aparat celular. Materialet i kaluan Prokurorisë, për veprime të mëtejshme, për veprën penale “Prodhimi dhe shitja e narkotikëve”.
