FBI përbëhet nga dy pjesë.
Një pjesë lufton krimin; pjesa tjetër e kryen atë.
Në më të mirën e tyre, agjentët e FBI-së vënë jetën e tyre në vijën e mbrojtjes së publikut. Dhe ndonjëherë ata janë vrarë, siç ishin dy agjentët e FBI-së që u qëlluan dhe u vranë në vitin 2021 në Sunrise, Florida duke hetuar një operacion pwr shfrytwzimin seksual të fëmijëve.
Ata ishin agjentët specialë Daniel Alfin, 36 vjeç dhe Laura Schwartzenberger, 43 vjeç, të cilët u qëlluan në përpjekje për të ekzekutuar një urdhër kërkimi ku një i dyshuar ishte izoluar në një apartament.
Tw dy, duke punuar jashtë zyrës së FBI-së në Miami, kishin hetuar grabitqarët seksualë të fëmijëve, abuzimin seksual dhe pornografinë e fëmijëve.
Duhet të theksohet se sa efektive mund të jetë FBI kur heton krimin, si në ndihmën e hetimeve të vrasjes së frikshme të katër studentëve të kolegjit të Universitetit të Idaho, të cilët u vranë me thikë.
Në rastin më të keq, agjentët e FBI-së janë impikuar me vrasës të bandave, si ata në zyrën e Bostonit gjatë epokës së Whitey Bulger, ose duke punuar në Uashington për të shkatërruar Donald Trumpin mbi mashtrimin e marrëveshjes së fshehtë ruse.
https://lapsi.al/2023/02/02/andi-bushati-zhburrerrimi-i-edi-rames-po-gris-dhe-fasaden-demokratike/
Ndonjëherë më e keqja dhe më e mira kombinohen, siç ndodhi kur, pas një hetimi të FBI-së, Charles F. McGonigal, një ish-agjent i nivelit të lartë të FBI-së, u padit javën e kaluar për pranimin e një pagese prej 225,000 dollarësh nga një shtetas amerikan i natyralizuar i lindur në Shqipëri. Ai banonte në Nju Xhersi dhe kishte punuar për inteligjencën shqiptare vite më parë.
Paratë thuhet se erdhën nga biznesmeni rus Oleg Deripaska për punën që bëri McGonigal duke hetuar një oligark rival. McGonigal kishte mbikqyrur më parë hetimet edhe për Deripaska.
Para daljes në pension në 2018, McGonigal kishte drejtuar zyrën e kundërzbulimit të FBI-së në Nju Jork.
Arrestimi i McGonigal ka tronditur FBI-në, por edhe ka shkaktuar një stuhi politike në Shqipëri, sepse padia për nëntë akuza për McGonigal zbuloi se McGonigal kishte një marrëdhënie afatgjatë me kryeministrin shqiptar Edi Rama.
McGonigal, pa informuar FBI-në, bëri disa udhëtime në Shqipëri, ku korrupsioni politik dhe pastrimi i parave nga droga janë në nivele të shfrenuara, midis 2017 dhe 2018 i shoqëruar nga “Personi A” – shtetasi amerikan i natyralizuar i paidentifikuar shqiptar.
McGonigal u takua fshehurazi me kryeministrin Rama më 9 shtator 2017. Takimi, për të diskutuar kontratat e naftës, ishte rregulluar nga “Personi B”, sipas aktakuzës.
Personi B është një ish-zyrtar i lartë i qeverisë shqiptare dhe këshilltar i Ramës. Të dy personat A dhe B kishin interesa financiare në dhënien e licencave të shpimit të fushës së naftës. Në atë takim, McGonigal i dorëzoi Ramës “pajisje” e FBI-së, sipas aktakuzës.
Një muaj më vonë, McGonigal futi në xhep 80,000 dollarë në cash, të dhëna atij nga Personi A në një takim në një makinë të parkuar në New York City, sipas aktakuzës.
Lidhja e Ramës me padinë e McGonigal është një goditje për liderin shqiptar dhe një pengesë për SHBA-në, e cila ka mbështetur hapur Ramën, një socialist, ndaj armikut të tij politik Sali Berisha, një ish-kryeministër dhe kreu i Partisë Demokratike të opozitës.
SHBA-të kanë aq shumë ndikim në politikën shqiptare, saqë ambasadorja e SHBA-së Yuri Kim, si favor për Ramën, u përpoq të largonte Berishën si deputet i Kuvendit edhe pse Berisha ishte zgjedhur sipas të gjitha rregullave. Berisha do të kërkojë të rrëzojë Ramën në zgjedhjet e 2025.
Berisha, një kardiolog, udhëhoqi lëvizjen që rrëzoi udhëheqjen komuniste të Shqipërisë në vitin 1991 dhe më vonë u zgjodh kryeministër. Ai është një kundërshtar i vendosur i George Soros dhe i Fondacionit të tij për Shoqërinë e Hapur, i cili kërkon të "reformojë" sistemin gjyqësor penal shqiptar siç bën në SHBA. Berisha e quan Sorosin “arkitektin e korrupsionit”.
Ndonëse Berisha nuk mbante asnjë detyrë për tetë vjet, Sekretari i Shtetit Antony Blinken e shpalli Berishën persona non grata për akuza të paspecifikuara dhe të paprovuara për korrupsion, të cilat Berisha i ka mohuar.
Berisha e ka quajtur këtë një hakmarrje, sepse Blinken thuhet se ka lidhje të ngushta me Sorosin. Babai i Blinken, Donald financoi Arkivat e Shoqërisë së Hapur të Soros në Universitetin e Evropës Qendrore në Budapest, të cilin Soros e themeloi. Soros është nga Hungaria.
Nëse McGonigal flet, të gjithë do të dëgjojnë.
Peter Lucas është një reporter politik veteran i cili ka shkruar tre libra për Shqipërinë, duke përfshirë "OSS në Shqipërinë e Luftës së Dytë Botërore"./ Përshtati nga Boston Herald Lapsi.al
