Kreu i grupit parlamentar, Taulant Balla ka propozuar për t’u mbyllur diskutimet në seancë plenare. Sipas tij opozita po kryen porositë e “non gratës”, referuar këtu kryetarit të Partisë Demokratike Sali Berisha. Ai u shpreh se duhen ndërprerë diskutimet dhe të kalojnë direkt me rendin e ditës.
Sipas tij, në çështjen “McGonigal” nuk ka asnjë person apo zyrtar të Shqipërisë që është nën akuzë.
"Kjo është një nga seancat që tregon degradimin e turpit të kësaj palo opozite. I jeni referuar që nga mëngjesi dickaje që nuk ka asnjë akuzë ndaj Shqipërisë, ka vetëm 1 person që është një ish zyrtar i FBI-së. Jeni duke zbatuar porositë e non gratës. Nuk është salla ku bëhet vetëgjyqësia. I propozoj seancës që të kalohet në proces votimi. ". tha Balla.
