Një aksident ka ndodhur në aksin rrugor Lushnjë-Rrogozhinë mesditën e kësaj të enjteje. Drejtuesi i automjetit tip “Peugeot” me targa AA 273 X J, ka humbur kontrollin. Ai është përplasur me barrierën e trafik ndarëses duke shkaktuar kthimin përmbys të makinës . Ngjarja është shkaktuar nga 32-vjeçari Kejsi Çela nga Patosi, i cili fatmirësisht ka marrë lëndime të lehta.
Policia në vendngjarje dyshon se shkak i aksidentit mund të jetë bërë humbja e vëmendjes nga ana e 32-vjeçarit. Pas aksidentit drejtuesi i mjetit Çela do i nënshtrohet procedurave nga ana e policisë rrugore si edhe testit të alkoolit për të zbuluar shkaqet e vërteta të aksidentit.
