Aksioni për çmontimin e kamerave ‘spiune’ është shtrirë në disa qytete të Shqipërisë. Dyshohet se grupet kriminale i kanë vendosur me qëllim sigurimin e informacionit dhe vëzhgimin e lëvizjeve të policisë. Edhe në lagjet e qytetit të Vlorës janë gjetur kamera.
Blutë njoftojnë se janë evidentuar disa pajisje monitorimi të cilat nuk janë pjesë e bashkisë apo policisë, por të vendosur nga eksponentë. Der më tani janë hequr katër kamera. Ndërkohë kontrolli vijon nga 5 grupe të ndryshme. Këto pajisje janë të vendosura në një bllok pallatesh, ku banon ndonjë eksponent i krimit të organizuar. Zona e ‘Lungomares’ apo edhe Selenica shikohen si zona më problematike.
