Ilir Shaqiri ka folur së fundmi për banorin e "Big Brother Vip 2", këngëtarin, Luiz Ejllin. I ftuar në emisionin “S’e Luan Topi”, fituesi i 'BBV1' foli rreth lojës së Luizit dhe ndryshimin midis tyre.
“Unë flisja shumë kur më flisnin shumë, kurse ai flet shumë edhe pa i folur shumë. Ndoshta kjo është diferenca mes meje dhe atij. Ama, mendoj që ai ka një super-durim dhe kjo do ta çojë përpara dhe do ta bëjë që të jetë on top. Ne na erdhi çdo gjë shumë natyrale, nuk u kacafytëm, nuk u masakruam që ditët e para sepse asnjëri prej nesh nuk njihte tjetrin dhe asnjëri prej nesh nuk pati një parapërgatitje. Këtë vit kanë ardhur më të përgatitur”, u shpreh Shaqiri.
Kujtojme se artisti ka thënë më herët në një bisedë me Efin se Iliri u shpall fitues jo për shkak të aftësisë së tij, por për shkak të “papjekurisë” së Donald Veshajt. “Iliri kishte fatin më të madh se kishte një të papjekur përballë. Ai ishte hije në shtëpi, ia dha rëndësinë ky, që e kishte “halë në sy” që në fillim. Dhe njerëzit që nuk e donin këtë u kthyen me atë. Kaq ishte,”shtoi Luizi./Lapsi.al Lexo Edhe: https://lapsi.al/2023/01/27/reagon-kejvina-per-here-te-pare-pas-daljes-nga-big-brother/
