Një plagosje me thikë ka ndodhur tek sheshi ‘Skëndërbej’. Mësohet se është goditur me mjet prerës një 29-vjeçar.
Burime nga policia bënë me dije se një shtetas ende i paidentifikuar ka goditur me mjet prerës thikë, shtetasin O. D. I riu është në spital, jashtë rrezikut për jetën.
NJOFTIMI I POLICISE
Më datë 27.01.2023, rreth orës 02:10, te sheshi “Skënderbej”, një shtetas ende i paidentifikuar ka goditur me mjet prerës thikë, shtetasin O. D., 29 vjeç.
Si pasojë 29-vjeçari është dëmtuar dhe ndodhet në spital, jashtë rrezikut për jetën. Grupi hetimor po punon për sqarimin e rrethanave të ngjarjes, identifikimim dhe kapjen e autorit.