Një grua me një sëmundje të rëndë mendore, u gjet e pajetë në banesën e saj pas më shumë se 3 vitesh. Laura Winham, 38 vjeç, kishte skizofreni, por jetonte e vetme. Ajo ishte larguar edhe nga familja e saj. Gruaja u gjet në një "gjendje të mumifikuar, pothuajse skeletore" në banesën e saj në Woking, Surrey në veriperëndim të Britanisë. Ngjarja ndodhi në maj 2021, por vetëm tani u bë publike nga “The Guardian”.
Familja e saj tha se shërbimet sociale jo vetëm që nuk kishin vepruar pas përkeqësimit të shëndetit të Winham para vdekjes së saj, por më pas kishin neglizhuar edhe kryerjen e kontrolleve rutinë që do të kishin çuar në zbulimin e trupit të saj.
Gjatë 3 viteve e gjysmë nuk u bë asnjë përpjekje për të verifikuar shëndetin e saj. Kjo edhe pse i ishte ndaluar përfitimi për aftësinë e kufizuar, gazi i ishte ndërprerë. Ajo nuk iu përgjigjej letrave, telefonatave apo mesazheve dhe nuk e hapte derën.
Vetë familja hezitonte të kontaktonte 38-vjeçaren pasi ajo i kishte kërcënuar se nëse ata do të tentonin do të vriste veten. “Të gjithë ata që ishin në kontakt me Laurën dhe kishin një detyrë ndaj saj nuk bënë asgjë dhe e harruan. Ajo u braktis dhe u la të vdiste”, - tha motra e saj. Familja e saj do të dëshmojë në një seance dëgjimore që do të mbahet më 30 janar.
Familja e saj tregoi se si Winham kishte kapërcyer paaftësinë fizike, shurdhimin, problemet e zemrës dhe problemet e shëndetit mendor të adoleshentëve duke dalë mirë në shkollë dhe duke u diplomuar në universitet. Ajo kishte qenë e shoqërueshme dhe kishte miq, derisa shëndeti i saj mendor mori një kthesë drastike për keq.
Thoshte se dëgjonte zëra dhe përjetonte halucinacione të cilat familja tha se e shtynë atë t'i refuzonte ata në mënyrë agresive. Winham besohet të ketë vdekur në nëntor 2017, vetëm disa javë pasi oficerët e policisë që vizituan banesën pas një denoncimi për zhurmë. Edhe shenjat e bëra në kalendarin e saj ishin ndalur në nëntor 2017. Kjo jo shumë kohë pasi kishte shkruar në të: "Kam nevojë për ndihmë". Ajo u identifikua nga të dhënat e saj dentare. ©LAPSI.al
