Banorët e Bërxullës janë ngritur sërish në protestë duke kundërshtuar koncensionin e rrugës Thumanë-Kashar. Ata u afruan këtë të mërkurë pranë zyrës së kryeministrit pasi pretendojnë se po u grabiten tokat. Këta banorë janë të vendosur se nuk do t’i japin pronat e tyre pa u kompensuar me çmimin e tregut.
Mbas kryeministrisë banorët kanë lëvizur edhe drejt delegacionit të Bashkimit Europian për t'i dhënë zë kërkesave të tyre.
Rruga Thumanë-Kashar e dhënë me koncesion po ndërtohet duke zaptuar tokat e banorëve. Kjo pasi loti që kalon në fshatin Bërxullë ka nisur të ndërtohet pjesërisht, duke qenë se ka hasur kundërshtinë e banorëve. Ata protestojnë prej më shumë se tre muajsh.
