Një banesë ku jetonin dy familje është shkrumbuar nga flakët paraditen e sotme në Bulqizë. Mësohet se janë rrezikuar jetën e pjesëtareve të familjeve të Sefer dhe Dali Elezit. Sipas policisë lokale të Bulqizës ngjarja ka ndodhur në njësinë administrative Martanesh. Fillimisht flakët janë pikasur nga vetë familjarët të cilët kanë njoftuar zjarrfikësen e Bulqizës. Për shkak edhe të largësisë zjarrfikësja ka shkuar me vonesë dhe nuk ka mundur ta fikë zjarrin.
Ndërkohë në vendngjarje ka shkuar edhe policia e cila ka nisur hetimet, por ende nuk dihen shkaqet e rënies së zjarrit.
