Një 31 vjeçar në Vlorë është shpallur në kërkim pasi ditën e djeshme ka goditur me thikë ish-bashkëshorten e tij. Pas kësaj ai i ka vjedhur paratë dhe një celular.
Në qytetin e Sarandës një tjetër 33-vjeçar është shpallur në kërkim pasi në biznesin ku punonte ka vjedhur një shumë parash.
Njoftimi i policisë:
DVP Vlorë
Nga specialistët për Hetimin e Krimeve të Komisariatit të Policisë Vlorë u referuan materialet në Prokurori dhe u shpall në kërkim shtetasi Xh. K., 31 vjeç, banues në Vlorë, pasi ditën e djeshme, ka goditur me mjet prerës thikë, ish-bashkëshorten, si dhe i ka vjedhur asaj një aparat celular dhe një shumë parash. Punohet për kapjen e tij.
Nga specialistët për Hetimin e Krimeve të Komisariatit të Policisë Sarandë u referuan materialet në Prokurori dhe u shpall në kërkim shtetasi E. A., 33 vjeç, banues në Sarandë, pasi dyshohet se duke shpërdoruar detyrën, ka vjedhur një shumë parash në subjektin në të cilin ishte i punësuar.
Materialet iu referuan Prokurorisë, për veprime të mëtejshme.
