Era e fortë sjell probleme në juglindje të vendit. Në qytetin e Korçës ka rënë çatia e një objekti në afërsi të vendit të njohur si pazari i qytetit. Fatmirësisht nuk ka dëme në njerëz, por vetëm dëme materiale në disa mjete që kanë qenë të parkuara pranë objektit të dëmtuar.
Policia ndodhet në vendngjarje.
Njoftimi i policisë:
Korçë/Informacion paraprak
Mesditën e sotme, në lagjen nr. 8, për shkak të erës së fortë, është rrëzuar çatia prej llamarine e një objekti (magazinë produktesh ushqimore). Për pasojë, janë dëmtuar 5 automjete të parkuara në afërsi të këtij objekti, ndërsa nuk ka dëme në njerëz.
Grupi hetimor vijon punën për sqarimin e rrethanave të ngjarjes.
