Bashkimi Evropian ka dërguar këstin e parë të paketës së ndihmës prej 18 miliardë eurosh në Ukrainë, raporton Politico. Lajmi është bërë me dije nga presidenca suedeze e BE-së në një deklaratë të martën. Paketa e ndihmës për Ukrainën u miratua nga BE-ja në dhjetorin e kaluar.
“Sot, 3 miliardë euro i paguhen Ukrainës, gjë që më bën shumë krenare dhe gjithashtu tregon se çfarë mund të bëjmë kur jemi të bashkuar”, tha dje Ministrja suedeze e Financave Elisabeth Svantesson. “Ne të gjithë e dimë se në Ukrainë, ata luftojnë gjithashtu për ne,” shtoi më tej ajo.
Kjo do të jetë pagesa e parë për paketën e ndihmës prej 18 miliardë eurosh për Ukrainën e miratuar nga vendet anëtare më 12 dhjetor.
