Fakte të reja nga dhunimi i mësuesit 59 vjeçar në Tepelenë janë zbardhur. Në policinë e Tepelenës ka ardhur një person, i cili është vëllai i një nxënësje 13-vjeçare në shkollën ku punonte mësuesi i edukimit fizik. Alvi Gumeni është kthyer nga vendi ku jetonte pas thirrjes së të motres për ndihmë. Ai pretendon se 13-vjeçarja është ngacmuar seksualisht nga mësuesi 59-vjeçar Kleanthi Laçi.
Gumeni ka dhënë shpjegimet e veta për dhunën që ushtroi ndaj mësuesit të edukimit fizik Kleanthi Laçi një ditë më parë. Sipas dëshmisë të tij, mësuesi e kishte ngacmuar shumë herë seksualisht motrën. Për këtë arsye ai u kthye në Shqipëri për të ndërmarrë aktin që kreu dje, duke e dhunuar. Ndërkaq ka dhënë dëshmine e saj edhe 13-vjeçarja e pretenduar se është ngacmuar seksualisht nga mësuesi i saj Kleanthi Laçi. Dëshmia e saj është marrë në prezencë të psikologes.
