Kënga e Shakiras për ish bashkëshortin Gerard Pique ka arritur në krye të top-listave duke shkaktuar reagime ke fansat.
Në tekst, këngëtarja flet për tradhtinë e ish-partnerit të saj Gerard Pique, duke bërë krahasime mes orëve apo makinave.
"Keni shkëmbyer një Rolex për një Casio"; “Ti ndërrove një Ferrari me një Twingo”, janë disa nga vargjet e këngës. Mirëpo përmendja e tyre nuk është pritur mirë nga kompanitë të cilat kanë komentuar këngën."Bateria e njërës prej orëve tona zgjat më shumë se lidhja e Shakirës me Pique. Shakira mund të mos jemi Rolex, por të paktën kemi klientë besnikë", shkroi kompania Casio në Twitter.
Një përgjigje ka dhënë edhe “Renault Twingo”. Në faqen e saj zyrtare ata postuan një makinë të kuqe me numrin 22 në derë, një referencë e qartë për moshën e partneres së re të Pique, Clara Chia. Shakira dhe Pique kanë dy fëmijë, Milanin 9 vjeç dhe Shasha 7 vjeç. Dyshja u nda në vitin 2022 . “Me keqardhje konfirmojmë se po ndahemi”, thanë ata në një deklaratë të përbashkët në qershor përmes Instagram. “Kërkojmë privatësi në këtë moment për mirëqenien e fëmijëve tanë, të cilët janë prioriteti ynë maksimal. Faleminderit paraprakisht për mirëkuptimin dhe respektin./Lapsi.al
Lexo Edhe: https://lapsi.al/2023/01/16/kenga-e-shakires-nje-tjeter-goditje-per-pique/
