Kryetari i Partisë Demokratike Sali Berisha ka denoncuar në një dalje për mediat vdekjen e Enver Sheshit, i arrestuar për aferën e inceneratorëve. Berisha tha se qeveria po mbulon vdekjen e tij dhe hodhi akuza të forta. Ai u shpreh se i kanë ardhur shumë denoncime, sipas të cilave Sheshi u vra pasi kishte pranuar të fliste.
"Vendimet dramatike të ditëve të fundit, faktojnë edhe njëherë se ky është shteti i mafies , qeveria është mafia e shtetit. Jam këtu për të denoncuar edhe njëherë errësirën me të cilën qeveria të përpiqet të mbulojë vdekjen e të ndjerit Enver Sheshi, arrestuar për aferën e inceneratorëve.
Menjëherë pas komunikatës zyrtare e cila ngjallte më shumë dyshime se sqarime, nje breshëri mesazhesh vërshuan të cilët shprehnin dyhsime dhe bindje se i ndjeri Sheshi është viktimë e mafies së djegësve. Këto informata shtonin se Enver Sheshi, kishte vendosur të fliste. Pas kësaj xhelati mafioz i kësaj afere të tmerrshme, gjeti menyrën ta cojë në botën tjetër, dëshmitarin e rrezikshëm. Afera e djegësve është më flagrante. Ajo dëshmon se Edi Rama dhe ministrat e tij funksionuan si një organizatë kriminale."
