Gjykata e Tiranës ka dhënë masën “arrest me burg” për 3 zyrtarët e Ministrisë së Financave. Sekretari i Përgjithshëm i Ministrisë së Financave Arlind Gjokutaj, përmbaruesi Alban Ruli dhe drejtori juridik i Ministrisë së Financave, Fatmir Hoxhaj akuzohen për “shpërdorim detyre”. Dyshohet se zyrtarët kanë abuzuar me vlerën 1.2 milion eurove, për një pronë që nuk ishte në pronësi të Thanës. Arlind Gjokutaj nuk u paraqit në seancë, pasi ka shfaqur probleme kardiake. Ai ndodhet në spital aty ku po merr trajtimin.
Zyrtarët firmosën dokumente për t’i kaluar 1.2 mln euro Ilir Thanës, duke e trajtuar si ish-pronar, por ai nuk e kishte një status të tillë. Nga kjo shumë, Ilir Thana mori vetëm 400 mijë €. Pjesa tjetër e parave Thanës do t’i kalonte në muajt në vijim. Kjo nuk ndodhi pasi skema e mashtrimit u pikas nga autoritetet.
