Tre shqiptarë kanë rënë në pranga pasi shfrytëzonin të paktën 20 vajza për prostitucion. Sipas asaj që shkruajnë mediat italiane këta persona drejtonin një grup kriminal. Edmond Gjini, i konsideruar si drejtues i bandës është dënuar me 4 vite burg, ndërsa i vëllai Eduardi ka marrë dënimin me vetëm 1 vit e 8 muaj. Ndërkohë që kushëriri i tyre, Petrit Gjini është dënuar me 5 vite e katër muaj.
Në krye ishte Edmond Gjini, ku menaxhonte 20 persona që shisnin trupat e tyre kundrejt pagesës. Secili prej tyre fitonte rreth 250 euro në javë. Dy vëllezërit Gjini kanë qenë të arrestuar edhe njëherë në vitin 2015 për të njëjtën vepër penale.
