Kryeministri Edi Rama ka mbledhur sot në një takim drejtorët e policisë në qarqe, ku i pranishëm ka qenë edhe drejtori i Policisë së Shtetit, Muhamet Rrumbullaku dhe ministri i Brendshëm, Bledi Çuçi. Për këtë ka reaguar edhe kreu i PD, Sali Berisha i cili e konsideron si një darkë elektorale, që sipas tij është një shkelje flargante e statusit të Policisë së Shtetit dhe kodit elektoral.
“Rama darkë elektorale me drejtuesit e policisë! Shkelje flagrante e statusit të Policisë së Shtetit, kodit elektoral” – shkruan Berisha që publikon edhe një SMS nga një person që e quan “oficeri dixhital”.
“Kryeministri Edi Rama ka mbledhur ne një darkë Drejtorin e Përgjithshëm të Policisë së Shtetit, Muhamet Rrumbullakun dhe të gjithë Drejtorët e Policisë në të gjitha qarqet e vendit. Takimi po zhvillohet aktualisht në zonën e Bllokut në vilën nr. 30. Ndërkohë i pranishëm është edhe ministri i brendshëm, Bledi Çuçi” – thuhet në SMS.
Më herët lapsi.al raportoi lajmin e darkës së kryeministrit Rama me drejtorët e Policisë së Shtetit në 12 qarqet e vendit. Ndërkohë të premten kryeministri ka lënë gjithashtu një takim tjetër në Pallatin e Kongreseve me drejtorët e përgjithshëm. ©LAPSI.al
LEXO EDHE: Rama shtron darkë për drejtorët e policisë, iu jep udhëzimet për zgjedhje
