Një 35 -vjeçar egjiptian është arrestuar mesditën e së hënës, 9 janar, në zonën e Agios Panteleimon në Athinë, nga punonjës policie të Departamentit të Sigurisë së zonës, për rrëmbim, përdhunim dhe vjedhje.
35-vjeçari akuzohet se nga e premtja e 6 janarit deri të hënën ka rrëmbyer dhe mbajtur në banesë në mënyrë të paligjshme një 32-vjeçare nga Bullgaria, duke e detyruar atë të kryente akte seksuale pasi e kërcënonte me jetë për fëmijët e saj.
Në orët e mëngjesit të së hënës, kur 32-vjeçarja arriti të çlirohej nga banesa e 35-vjeçarit, ajo shkoi në Departamentin e Sigurimit të Panteleimon dhe denoncoi veprat penale ndaj saj.
Punonjësit e policisë kanë identifikuar të akuzuarin dhe pas kontrolleve në zonë më të gjerë e kanë lokalizuar dhe arrestuar. Gjithashtu, 35-vjeçari kishte vjedhur edhe kartën e identitetit të viktimës .
I arrestuari është dërguar në Prokurorinë Penale të Athinës.
