Policia e Kosovës ka njoftuar se rruga Shtërpcë- Prevallë do të jetë e mbyllur duke filluar nga ora 11:30. Kjo ka ardhur për shkak të protestës së paralajmëruar për plagosjen e dy serbëve.
“Ju njoftojmë se rruga rajonale Shtërpcë- Prevallë, nga ora 11:30 do të jetë e mbyllur për qarkullimin e automjeteve, deri në një njoftim tjetër, kjo për arsye të protestës së paralajmëruar që do të mbahet në Shtërpcë, nga ora 12:00. Rruga do të jetë e mbyllur nga fshati Drajkovc i komunës së Shtërpcës deri në Brezovicë. Sapo të përfundon protesta do të njofoheni me kohë”, thuhet në komunikatë.
Kujtojmë se dy persona kanë mbetur të plagosur në fshatin Drajkovc të Shtërpcës të premten. Në momentin e sulmit, fëmijët ishin duke ecur në anë të rrugës kur sulmuesi hapi zjarr ndaj tyre. Njëri djalë mori plagë në dorë, e tjetri në shpatull. Autori,33-vjeçari, Azem Kurtaj iku nga vendi i ngjarjes, por sërish u kap dhe do të përballet me drejtësinë.
