Policia është rikthyer për rikontroll në banesën e Havier dhe Rozeta Dobit, nënë e bir, të cilët akuzohen për vjedhjen e një banese në Rrugën e Kosovarëve në Tiranë.
Policia thotë se shërbimet e Komisariatit të Policisë Nr. 2, në vijim të operacionit policor të koduar "Inside", bazuar në inteligjencën informative dhe veprimet hetimore të thelluara u kthyen në banesën e nënë e bir për një kontroll të dytë.
“Gjatë kontrollit në banesë, shërbimet e Policisë gjetën të fshehura në tubin e aspirimit, 404 800 euro, 8500 dollarë dhe aksesorë floriri, të cilat u sekuestruan në cilësinë e provës materiale. Materialet i kaluan Prokurorisë, për veprime të mëtejshme procedurale” – thuhet në njoftimin e policisë.
23-vjeçari u arrestua nga policia e Tiranës pas vjedhjes në një banesë ku punonte nëna e tij. Havier Dobi është arrestuar bashkë me nënën e tij Rozeta pasi më 15 dhjetor kanë vjedhur sende me vlerë dhe para cash, që kapin vlerën e 120 mijë eurove në banesën ku 49-vjeçarja punonte si pastruese.
Policia sekuestroi 80 mln lekë të vjetra dhe 2 automjete të blera me paratë e vjedhura pas arrestimit. 23-vjeçari nuk ngurronte të postonte foto të jetës së tij në rrjetet sociale duke u shfaqur me veshje marke e makina të shtrenjta.
Lajm në përditësim...
