Së fundmi disa pjesë nga libri i Princ Harry u publikuan në media. Në të ai tregon rreth rivalitetit të tij me princin William dhe mendimet për njerkën e tij "të lig", Camilla. Mirëpo rrëfimi i tij duket se nuk po pritet mirë pasi shumë përdorues të rrjeteve sociale po e sulmojnë.
Herët në mëngjes të së enjtes, hashtag-u #ShutUpHarry ishte në trend, ndërsa njerëzit bëjnë shaka rreth zbulimeve të kujtimeve. "Një burrë 'ushtarak' i rritur, i cili shërbeu për dy turne në Afganistan, ka shkruar një libër. Aty ai ankohet se vëllai i tij i madh i bërtiti dhe i theu gjerdanin," shkroi dikush.
"Thjesht bëhet gjithnjë e më patetik," vazhduan ata. Një tjetër përdorues shkroi në Twitter: "Do të doja që ata thjesht të mbyllnin gojën", së bashku me hashtagun #ShutUpMeghan.
“#ShutUpHarry është një fëmijë patetik i trishtuar. Ai nuk e ka idenë se sa keq duket sa herë që hap gojën”, ndërhyri një përdorues.
Titulli "Spare" i Harry-t i referohet etiketës së tij si një trashëgimtar "i rezervuar" në linjën mbretërore të pasardhësve të kurorës britanike, pas vëllait të tij më të madh, Princit William, 40 vjeç. Penguin Random House e përshkroi librin e tijsi një "rrëfim përfundimtar të përvojave, aventurave, humbjeve dhe mësimeve të jetës që kanë ndihmuar në formimin e" Harry./Lapsi.al
Lexo Edhe:https://lapsi.al/2023/01/06/harry-zbulon-fjalet-e-fundit-qe-i-tha-mbretereshes-elizabeth/
