Gjykata Kushtetuese ka pranuar të shqyrtojë padinë e PD që kërkon shkrirjen e strukturës, të ashtuquajtur ‘bordi i transparencës’, e cila vendoste çmimet e disa produkteve ushqimore.
Në vazhdën e kësaj, gjykata ka caktuar 31 janarin si ditën kur do të zhvillohet përballja e parë ligjore e demokratëve jo vetëm kundër qeverisë, por edhe ndaj Autoritetit të Konkurrencës.
Gjykata Kushtetuese, gjatë ditës së sotme, pranoi gjithashtu padinë e PD-së për “Butrintin”, duke ftuar palët të çojnë argumente dhe prova brenda datës 27 Janar 2023 dhe më pas do të zhvillohet seanca publike.
