Një fasoneri në Pogradec është përfshirë nga flakët këtë pasdite. Sipas policisë ngjarja ka ndodhur rreth orës 15:50 në lagjen nr. 2. Fasoneria është në pronësi të shtetasit G.G.
Në njoftimin e policisë bëhet me dije se zjarri mund të ketë rënë për shkaqe aksidentale. Mësohet se një pjesë e çatisë së fasonerisë po kryheshin punime për izolimin e saj. Nga flakët nuk ka persona të lënduar, por vetëm dëme materiale. Zjarrfikësja ndodhet në vendin e ngjarjes. Grupi hetimor po punon për sqarimin e plotë të rrethanave të ngjarjes.
