Cristiano Ronaldo i është bashkuar Al Nassr, skuadrës së Arabisë Saudite me një marrëveshje që zgjat deri në vitin qershor 2025. Kapiteni i Portugalisë ishte një futbollist i lirë pasi u largua nga Manchester United. Shkak u bë një intervistë në të cilën ai kritikoi klubin.
Ronaldo thuhet se do të marrë pagën më të madhe në historinë e futbollit me më shumë se 200 milionë euro në vit. 37-vjeçari thotë se është "i etur për të përjetuar një ligë të re futbolli në një vend tjetër". Al Nassr është 9 herë kampion i Ligës Pro Saudite. Klubi tha se Ronaldo do të "frymëzojë ligën, kombin dhe brezat e ardhshëm, djemtë dhe vajzat që të jenë versioni më i mirë i vetes".
Në verë, Ronaldo hodhi poshtë një marrëveshje prej 400 milionë eurosh për t'u bashkuar me një ekip tjetër saudit, Al Hilal sepse në atë kohë ai tha se ishte i lumtur me United.
Në nëntor, sulmuesi foli në një intervistë me Piers Morgan për TalkTV, ku tha se ndihej i "tradhtuar" nga United. Ai shtoi se nuk e respektonte menaxherin Erik ten Hag dhe se po detyrohej të largohej nga klubi.
Ronaldo, i cili shënoi 145 gola në 346 paraqitje për United, u largua nga Juventusi për t'u ribashkuar me klubin Old Trafford në gusht 2021, 11 vjet pasi u largua për t'iu bashkuar Real Madridit.
Atij i kishin mbetur pak më shumë se 7 muaj në kontratë, por largimi i tij i menjëhershëm u "ra dakord reciprokisht". Ronaldo u kthye në fushë për Portugalinë në Kupën e Botës në Katar. Aty ai bëri historinë duke u bërë njeriu i parë që shënoi në 5 Kupa të Botës. ©LAPSI.al
https://twitter.com/AlNassrFC/status/1608933062288769024?ref_src=twsrc%5Etfw%7Ctwcamp%5Etweetembed%7Ctwterm%5E1608933062288769024%7Ctwgr%5Ecbd26c0d3e893e01b357b9a7be173478214eed27%7Ctwcon%5Es1_c10&ref_url=https%3A%2F%2Fwww.sportmediaset.mediaset.it%2Fmercato%2Fcalcioestero%2Fcristiano-ronaldo-al-nassr_59215894-202202k.shtml
