Tre makinave në pronësi të biznesmenit Zamir Kormuzi iu është vënë flaka në orët e para të mëngjesit të ditës së sotme. Ngjarja ka ndodhur rreth orës 02:00 në rrugën Transballkanike. Bëhet fjalë për dy furgona dhe një Fiat Punto.
Nga pamjet e siguruara vihet re se ngjarja ka qenë e qëllimshme. Dy persona që mbajnë bidona me benzinë në duar, shkojnë në drejtim të automjeteve dhe i vënë flakën makinave. Menjëherë dy personat shihen duke u larguar me shpejtësi.
[video width="480" height="848" mp4="https://cdnimpuls.com/lapsi.al/wp-content/uploads/2022/12/WhatsApp-Video-2022-12-30-at-9.45.59-AM-1.mp4"][/video]
Njoftimi i policisë:
“Rreth orës 02:00, në lagjen “24 Maji”, ka rënë zjarr dhe janë djegur tre automjete të parkuara, në pronësi të shtetasve D. S, Z. K dhe Y. I. Grupi hetimor po punon për zbardhjen e rrethanave të ngjarjes dhe përcaktimin e shkakut të rënies së zjarrit.
[video width="848" height="400" mp4="https://cdnimpuls.com/lapsi.al/wp-content/uploads/2022/12/WhatsApp-Video-2022-12-30-at-9.48.50-AM-1-1.mp4"][/video]
Biznesmeni dyshon për zjarrvënie për shkak të konkurrencës.
