Ministri i Mbrojtjes Niko Peleshi deklaroi se nga janari i vitit 2023 do nisin punën dy satelitët “Albania 1” dhe “Albania2”.
“Ne në FA kemi shtuar disa domeine të reja. S’kemi pasur domeinin e hapësirës. Por, sot kemi një shërbim ende modest por të rëndësishëm. Shërbimin satelitor përmes dy satelitëve “Albania 1” e “Albania 2″ që nga janari i vitit që vjen do nisin të na furnizojnë me informacione imazherie shumë të rëndësishme për emergjencat civile e rikonjicione”. Kështu u shpreh Peleshi, duke folur për objektivat që Ministria e Mbrojtjes ka për vitin 2023.
Deklaratën ministri e bëri gjatë një bashkëbisedimi online me të gjithë përfaqësuesit e Shqipërisë në misione jashtë vendit.
