Nuk është vetëm Monika Kryemadhi e pasionuar me kërcimin. Në familje duket se nuk mbetet më pas as Ilir Meta. Kryetari i Partisë së Lirisë ishte mbrëmjen e enjtes në qytetin e Pogradecit ku ka zhvilluar një takim me të rinjtë e kësaj force.
Ka qenë vetë Meta ai i cili në faqen e tij në “Facebook”, ka publikuar një video ku shihet teksa ja ka marrë valles. Krahas videos Meta jep edhe një mesazh politik për vitin e ardhshëm ku fokusi do të jetë tek zgjedhjet lokale.
“I lumtur të festoj me ekipin e mrekullueshëm të Partisë të Lirisë sot në Pogradec! Mirënjohje për sakrificat dhe qëndresën e tyre të paepur! 2023 do të jetë viti i Ndryshimit dhe triumfit të Lirisë dhe dinjitetit qytetar”, - shkroi Meta. ©LAPSI.al
