Në episodin e fundit të "Harry & Meghan", Princ Harry diskutoi atë që i mungon më shumë për jetën në "institucion".
"Më mungojnë mbledhjet e çuditshme familjare kur jemi të gjithë të bashkuar nën një çati, e dini, për periudha të caktuara të vitit. Kjo më mungon," tha ai. "Të qenit pjesë e institucionit do të thoshte që isha në MB, kështu që më mungon MB. Më mungojnë miqtë e mi."
Duka vazhdoi duke thënë se kishte "humbur edhe disa miq në këtë proces" si rezultat i zgjedhjes së tij dhe të Meghan Markle për t'u zhvendosur në Kaliforni.
Për më tepër, Harry rrëfeu se u transferua në Montecito të Santa Barbara "sepse kisha ndryshuar". "Kam ndryshuar deri në pikën që e kam tejkaluar mjedisin tim. Prandaj, ky ishte vendi më i dukshëm për të ardhur. Në vend ku mamaja ime, Princesha Diana, mund të kishte përfunduar gjithsesi. Ka raste kur kam qenë i zemëruar. Por me të vërtetë ndjej se ne jemi pikërisht aty ku duhet të jemi," u shpreh Princi. "Kemi arritur në anën tjetër."
Me publikimin e biografisë "Spare", më 10 janar, zbulimet e tij pa dyshim do të vazhdojnë. "Shpresa është që duke treguar historinë time arritjet , gabimet, mësimet e nxjerra mund të ndihmoj të tregoj se pavarësisht nga vijmë, ne kemi më shumë të përbashkëta sesa mendojmë”, u shpreh ai në një deklaratë për shtyp. Gjithashtu shtoi se ishte "i emocionuar që njerëzit të lexonin një rrëfim të drejtpërdrejtë të jetës sime që është plotësisht i vërtetë"./Lapsi.al
