Një bar kafe është përfshirë nga zjarri rreth mesnatës në zonën e Brrylit, në kryeqytet. Forcat zjarrfikëse kanë shkuar për të shuar flakët, por ndërhyrja nuk ka dhënë rezultat. Flakët janë përhapur edhe te një lokal tjetër ngjitur.
Flakët kanë shkrumbuar bar “Votra”, lokal i njohur në këtë zonë. Zjarri ka qenë i përmasave të frikshme aq sa ka rrezikuar edhe jetën e banorëve në pallatet ngjitur.
Nuk dihet ende nëse ngjarja është aksidentale apo e qëllimshme.
Njoftimi i Policisë:
Më datë 27.12.2022, rreth orës 23:40, te Brryli ka rënë zjarr në një lokal dhe zjarri është përhapur dhe në një lokal tjetër ngjitur tij.
Zjarri është fikur dhe si pasojë ka vetëm dëme materiale.
Grupi hetimor ndodhet në vendngjarje dhe po punon për sqarimin e rrethanave të ngjarjes.
