Ushtarët rusë të thirrur për të luftuar në Ukrainë do të kenë mundësinë të ruajnë falas spermën e ngrirë në një kriobankë. Kreu i Unionit të Avokatëve Rusë, Igor Trunov i tha agjencisë shtetërore të lajmeve Tass se ministria e shëndetësisë i ishte përgjigjur apelit të tij për një kriobankë falas.
Rusia mobilizoi 300 mijë rezervistë për shkak të problemeve me operacionin në Ukrainë. Pas kësaj burrat filluan t'u drejtoheshin klinikave për të ngrirë spermën e tyre. Ata deklaronin se nëse vdisnin në luftë ose humbnin aftësinë për riprodhim në këtë mënyrë do të kishin mundësi të linin një pasardhës.
Një klinikë në Moskë e kontaktuar nga BBC tha se dyshonte se mund të përfitohej ndonjë lehtësi për ruajtjen e biomaterialeve. Ministria e Shëndetësisë ende nuk ka komentuar mbi këtë çështje.
Edhe në qytetin e dytë më të madh të Rusisë, Shën Petersburg, u raportua një rritje e numrit të burrave që iu drejtuan klinikave të fertilitetit për të ngrirë spermën e tyre. Ata firmosën dokumente që u jepnin të drejtën grave të tyre ta përdorin atë.
Burrat dhe gratë ruse i përdornin rrallë klinika të tilla, por "vetëm në rast se" diçka nuk shkonte. Ata kurrë nuk e kishin menduar më parë të ngrinin biomaterialin e tyre. ©LAPSI.AL
