Qindra makina u përplasën në një autostradë në Kinën qendrore, njoftoi transmetuesi shtetëror CCTV të mërkurën. Makina, furgona dhe kamionë u përplasën me njëri-tjetrin në një pjesë të autostradës. Ndërkohë raportohet se ka vetë një viktimë nga ngjarja.
Aksidenti ndodhi për shkak të dukshmërisë së ulët nga mjegulla pranë qytetit Zhengzhou, provincën Henan. Aksidenti përfshiu të paktën 200 automjete. Aksidentet rrugore janë të zakonshme në Kinë për shkak të mungesës së kontrolleve të rrepta të sigurisë. Në shtator, 27 pasagjerë vdiqën pasi një autobus që i transportonte në objektet e karantinës në provincën jugperëndimore Guizhou u përmbys në një autostradë.
