Kreu i Partisë Demokratike të Kosovës, Memli Krasniqi, i ka bërë sërish thirrje Qeverisë së Kosovës dhe Albin Kurtit që të reagojë sa më shpejtë për të hequr barrikadat.
Përmes një shkrimi në Facebook, ai theksoi se për heqjen e barrikafldave, Qeveria e Albin Kurtit ka mbështetjen e tij të plotë.
Ai shtoi se heqja e barrikadave është përgjegjësi e Qeverisë së Kosovës. Krasniqi shprehu bindjen se barrikadat janë vendosur nga grupet kriminale serbe që operojnë në veri të Kosovës.
Reagimi i Krasniqit:
Në ditën e 17 të vendosjes së barrikadave në pjesën veriore të Kosovës, Kryeministri Kurti realizoi edhe një takim me KFOR-in. Mbajti edhe mbledhjen e Këshillit të Sigurisë Kombëtare. Dhe cili është rezultati?
Barrikadat mbesin. Shpërthimet në pjesën veriore vazhdojnë. Sulmet ndaj gazetarëve vijnë e shtohen. Jeta e qytetarëve po rrezikohet. Tentimi për të krijuar një realitet të ri po avancon e shqiptarët po largohen çdo ditë nga ajo pjesë e vendit tonë.
Qeveria duhet të jetë vigjilente dhe të reagoj sa më shpejtë për të hequr barrikadat të cilat janë kthyer në punkte të Vuçiqit, si tentim për ndarjen e Kosovës. Për këtë, po e përsëris, Qeveria e ka mbështetjen time të plotë.
KFOR-i ka bërë një punë të mirë deri më tani për të ruajtur paqen, për çka u jemi falënderues. Mirëpo, heqja e barrikadave është para së gjithash përgjegjësi e Qeverisë së Kosovës.
Lexo më tej: FNSH në familjen Martinaj/ A është i kërcënuar Edi Rama?
