Tory Lanez është dënuar për vrasjen e Megan Thee Stallion në korrik 2020.
Të premten, një juri në Los Anxhelos e shpalli fajtor reperin për të dy akuzat - sulm me një a*më zjarri mbajtjen e një armme zjarri të mbushur, të paregjistruar në një automjet.
Lanez do të dënohet më 27 janar. Dënimet mund të kenë deri në 22 vjet e tetë muaj burg. Ai nuk tregoi "asnjë reagim të dukshëm" kur vendimi u dha, raporton Associated Press, duke shtuar se u prangos menjëherë pas kësaj.
Megan nga ana tjetër, u lavdërua nga Prokurori i Qarkut në Los Angeles, George Gascón pas vendimit. "Dua të filloj duke theksuar guximin e Megan Pete. Ju treguat guxim me dëshminë tuaj, pavarësisht sulmeve të përsëritura dhe groteske që nuk i meritonit. Ju u përballët me një kontroll të padrejtë dhe të neveritshëm që asnjë grua nuk duhet të përballet kurrë. Keni qenë një frymëzim për të tjerët në të gjithë kontenë LA dhe kombin," shkroi Gascón në një deklaratë.
"Gratë, veçanërisht gratë e zeza, kanë frikë të raportojnë krime si sulmi sepse ato shpesh nuk besohen. Ky gjyq theksoi mënyrat e shumta se si shoqëria jonë duhet të bëjë më mirë për gratë.
"Dëshiroj gjithashtu të falënderoj anëtarët e jurisë për kohën e tyre dhe ekipin tonë të gjyqit për ndjekjen e palodhshme të së vërtetës. Ju keni kaluar orë të panumërta larg familjeve tuaja gjatë sezonit të festave duke përgatitur këtë çështje dhe duke gjetur drejtësi për znj. Pete. Sakrifica juaj vlerësohet."
Në ditën e dytë të gjyqit, artistja dha një dëshmi emocionale dhe tha se e kishte të vështirë të hapej. Ajo shprehu zhgënjimin e saj me mënyrën se si ndodhi rasti, duke shpjeguar se disa muzikantë meshkuj morën anën e Lanez. /Lapsi.al
