Ellen DeGeneres ka nderuar së fundmi Stephen "tWitch" Boss pas ndarjes së tij tragjike.
DeGeneres postoi një video duke u kërkuar ndjekësve të saj që të "nderojnë" DJ-në e ndjerë gjatë sezonit të festave. "Njëmbëdhjetë ditët e fundit kanë qenë vërtet të vështira për të gjithë," filloi DeGeneres.
"Të gjithë janë në dhimbje dhe përpiqen t'i japin kuptim" vazhdoi ajo. "Pushimet janë të vështira, por për të nderuar tWitch mendoj se gjëja më e mirë që mund të bëjmë është të qeshim, të përqafojmë njëri-tjetrin, të luajmë lojëra, të kërcejmë dhe të këndojmë. Kështu e nderojmë atë. Bëjmë gjërat që i pëlqente të bënte, që është kërcimi”.
Moderatorja shtoi: "Ai e donte muzikën, i donte lojërat, kështu që ne e bëjmë këtë." "Dhe e di që duket e vështirë, duket e pamundur, por kështu e nderojmë".
DeGeneres u kërkoi fansave të saj që të përhapin dashuri këtë sezon festash dhe "të përqafojnë njëri-tjetrin. T'u bëjmë të ditur njerëzve se jemi aty për ta". “Pra, gëzuar festat të gjithëve. Nuk është një festë e lumtur, por…”
Që nga vdekja e "tWitch", Ellen ka përdorur rrjetet sociale për të ndarë momentet e tyre të preferuara në "The Ellen DeGeneres Show". "tWitch" u nda nga jeta nga një plagë e vetëshkaktuar me a*më zjarri./Lapsi.al
