Gëzim Alla, muratori shqiptar 53-vjeçar që në prill të 2021 vrau me çekiç bashkëshorten e tij 38-vjeçare Dorina Alla, dënohet me burgim të përjetshëm. Dënimi u dha nga Gjykata e Assizes e Vicenza-s, e kryesuar nga Antonella Toniolo.
Krimi i rëndë ndodhi në banesën e çiftit në Pove del Grappa (Vicenza) më 18 Prill 2021 teksa fëmijët e mitur të çiftit 13 dhe 9 vjeç ishin fshehur nga frika poshtë krevatit në dhomën e tyre.
Gjykata gjithashtu e dënoi burrin me dëmshpërblim pasuror dhe jomaterial, me një shumë të përkohshme të menjëhershme prej 100,000 euro për çdo fëmijë, si dhe urdhëroi heqjen e përgjegjësisë prindërore.
Rrethanat rënduese të mizorisë, të cilat prokurorja Alessandra Block i kundërshtoi ndaj të akuzuarit, u përjashtuan.
