53.4% e shqiptarëve nuk dinë një gjuhë të huaj evropiane, ndërkohë që 45.5% njohin një gjuhë të huaj. Barometri në Euronews Albania i ka pyetur shqiptarët edhe cilat janë gjuhët që njohin më mirë.
Mes dy gjuhëve që njihen më mirë nga shqiptarët, anglishtja është gjuha që shqiptarët dinë më mirë me 57.6% pasuar nga italishtja me 17.2%. Shumë më pak njihen gjuhët e tjera si gjermanishtja me 3.2%, frëngjishtja 0.9% dhe spanjishtja me 0.2%. Një përqindje të lartë e zënë edhe gjuhët e tjera me 20.9%.
Ajo qe bie në sy është fakti që anglishtja njihet me shumë nga të rinjtë dhe Italishtja më shumë nga mosha e mesme dhe ajo e tretë.
Grupmosha nga 18-24 vjeç janë njohës të gjuhës angleze me 86.2%, ndërsa grafiku vijon në zbritje në grupmoshën 25-34 vjeç me 70.3%. Po ashtu, edhe për grupmoshën 35-44 vjeç ka një zbritje 44.7%, 45-54 vjeç me 34.3%, 55-64 vjeç me 18.7% dhe grup mosha 65-75 vjeç me 17.3%.
Ndryshe nga anglishtja, grafiku i gjuhës italiane vjen në rritje nga grupmosha 18-24 vjeç me 3.5%, 25-34 vjeç me 16.9%, 35-44 vjeç me 20.9%, 45-54 vjeç me 25.3%, 55-64 vjeç me 30.2% dhe grupmosha 65-75 vjeç me 30.2%.
