Kina, vendi gjigant me 1.41 miliardë banorë, po përjeton një valë të re të pandemisë së re të koronavirusit . Që kur Pekini hoqi masat e tij të rrepta të bllokimit në fillim të dhjetorit, rastet dhe pranimet në spitale kanë shpërthyer në Kinë, duke ngritur shqetësime për vdekshmëri të lartë, veçanërisht në mesin e grupeve vulnerabël të popullsisë (të moshuarit, diabetikët dhe qytetarët me sëmundje të tjera shoqëruese, të pavaksinuar, pjesërisht të vaksinuar).
Sipas dëshmive të mbledhura nga AFP, krematoriumet janë nën presion megjithatë rritja e vdekjeve nuk lidhet zyrtarisht me COVID-19.
Ndërsa virusi përhapet me shpejtësi, “është e mundur që do të krijohen variante të reja, dhe ato variante do të përhapen dhe do të prekin ne, ose vende të tjera,” tha reu i diplomacisë amerikane, Anthony Blinken. Sekretari amerikan i Shtetit po planifikon një vizitë zyrtare në Pekin në fillim të vitit 2023, si pjesë e një përpjekjeje për të de-përshkallëzuar tensionet me vendin që administrata e Joe Biden e ka bërë rivalin kryesor diplomatik dhe ekonomik të SHBA-së.
