Dafina Zeqiri ka shpërthyer në rrjetet sociale kundër make-up artistit Arbër Bytyqi. Ajo ka ndarë në Instastory një foto që ai kishte publikuar në profilin e tij, krahas së cilës këngëtarja i kërkon publikisht që të mos publikojë më foto të saj, pasi nuk punojnë më bashkë.
Ndër të tjera ajo e cilëson Bytyqin si gënjeshtar dhe njeri fallco.
“Arbër Rrenc (Gënjeshtar) Bytyqi Mua! Boll postove foto të mijat shumë të edituara. Në përgjithësi. Ne nuk punojmë bashkë! Ti e di shumë mirë pse! Ti je një nga njerëzit më fallco në industri! Një gënjeshtar! Boll më postove. Nuk e bëj zakonisht këtë por dreqin! Je një sociopat!”- thuhet në postimin e plotë të Dafinës.
Kujtojmë se pas bashkëpunimit të titulluar “Luje belin” dy këngëtaret Dafina Zeqiri dhe Kida, duket se nuk e kanë ndërmend ta lënë me kaq, madje e kanë gati bashkëpunimin e radhës.
Kimia midis Kidës dhe Dafinës do të “shkrihet” në një tjetër projekt muzikor më shpejt nga sa e prisni. Lajmi është bërë me dije nga burime për “Prive” të cilët shprehen se bashkëpunimi i dytë nuk do të vonojë shumë.
Gjatë kësaj kohe dyshja kanë realizuar edhe një sërë koncertesh së bashku duke dhuruar një atmosferë elektrizuese për fansat e tyre.
Kujtojmë që përpos atyre që e pëlqyen dhe e kërcyen bashkëpunimin e parë të Kidës dhe Dafinës, pati edhe shumë që e kritikuan. Sipas tyre dyshja kishte potencial për më shumë dhe se prisnin diçka tjetër prej tyre. Këto komente nuk i shpëtuan as syrit të Dafinës, e cila asokohe postoi një video në TikTok si kundërpërgjigje. Dafina dëgjohej të thonte se-“Është një këngë për të kërcyer, kërce e mos ta ndjen”!
