Deputeti demokrat Agron Shehaj ka akuzuar kryeministrin Edi Rama se fshihet pas aferës së inceneratorit të Tiranës.
“Inceneratori i Tiranës i është dhënë Klodian Zotos, ju në fillim thatë që s’do ishte Zoto por do ishte një sipërmarrje e madhe italiane. Pastaj zbuluam që nuk kishte kompania të huaj, ishte i njëjti njeri që kishte marrë Elbasanin.
Të njëjtën ditë që firmosët kontratën, Zoto ia transferoi kontratën një kompanie offshore në Holandë. Doli që Zoto ka kryer korrupsion dhe prapë koncesionet të Elbasanit dhe Fierit janë të sekuestruar. I Tiranës vazhdon të jetë në pronësi të një kompania offshore në Holandë, teorikisht.
Kompania është offshore nuk e dimë kush janë pronarët. Fakti që ju i jepni një njeriu që është i përfshirë në aferë korruptive, duke i hapur çdo lloj dere, duke i dhënë monopolin e inceneratorëve, fakti që ky zotëria e çon kompaninë në offshore, vazhdoni e paguani.
Inceneratori i Tiranës vazhdon të jetë në pronësi të një njeriu që është në kërkim. Paratë kalojnë nga bashkia e Tiranës ne xhepa cefaljone. Inceneratori i Tiranës është në pronësi të një kompani offshore.
(Rama i ndërhyn nga vendi) Pse jeni ju? Sepse pashë ca ndodhi me kompaninë DH Albania. Fillove tenderin e unazës së madhe duke mashtruar. I dhatë miliona euro. Po të ishit të gënjyer s’do kishte kthyer paratë. Vazhdimi i pagesave pavarësisht se SPAK thotë se janë të korruptuar, kjo më bën të mendoj që pas këtij skandali, pas inceneratorët të Tiranës mund të jeni vetëm ju. Ose hajde na thoni se jeni të paaftë ju gënjen zoto ose jeni ju pronarët e vërtetë” – tha Shehaj.
Më pas ka reaguar kryeministri Rama.
“Jam gjithmonë në dilemë nëse jeni idiot. Ju thatë që unë fshihem pas një offshorë në Holandë. Kjo është shumë e rëndë. Më sillni një provë. Ju ftova që ju të jepni provën dhe në të gjitha ato që thatë unë nxora përsëri dilemën time, ju jeni idiot apo bëni vetë” - tha Rama. ©LAPSI.al
