1 orë e 30 minuta priti autori në afërsi të bar kafes 49-vjeçarin, Edmond Papa për ta ekzekutuar. 'Tv Klan' raporton se 5 minuta pasi viktima mbërriti në shtëpinë e vëllait rreth orës 15.00, ekzekutori u kap nga kamerat e sigurisë në lagjen 'Fadil Bodinaku'.
Ardhja e tij pas viktimës, ka shtyrë hetuesit të dyshojnë se për lëvizjet e biznesmenit, se autori mund tw jetë ndihmuar nga persona të tjerë. Aktualisht, grupi hetimor po analizon dhe lëvizjet e 49-vjeçarit përpara ekzekutimit. Grupi hetimor po grumbullon pamje filmike të vendeve të frekuentuara prej viktimës në Tiranë gjatë së premtes.
2 janë pistat kryesore ku policia dhe prokuroria ka përqëndruar hetimet. E shkuara kriminale e viktimës në fushën e narkotikëve si brenda dhe jashtë vendit, si dhe ndonjë konflikt i kohëve të fundit. Për ngjarjen në polici janë marrë në pyetje dhjetra persona, ndërsa pritet që deklarime të japin edhe kontaktet e fundit të 49-vjeçarit me vendbanim në Sarandë.
