Kryeministri uroi drejtuesin e ri të SPAK, Altin Dumanin duke i quajtur thashetheme përpjekjet për kapjen e SPAK.
"Procesi i zgjedhjes së drejtuesit të ri të SPAK foli vetë për të gjithë ata që duan të dëgjojnë dhe të gjitha thashethemet e katundit politik e mediatik për kapjen e s’kapjen e SPAK-ut nga regjimi i mori era! Urime drejtuesit të ri dhe fjalën le ta marrë puna me rezultate konkrete!" shkruan Rama në Twitter.
Por ato që kryeministri i quan thashetheme të medias u artikuluan pak minuta para votimit nga ambasadorja amerikane Juri Kim, sipas të cilës antarët e Këshillit të Lartë të Prokurorisë kishin marrë kërcënime dhe u ishin premtuar favore.
"Dhe jemi me fat, që kemi tre kandidatë shumë të kualifikuar. Para KLP është një vendm shumë i rëndësishëm. Në bazë të këtij vendimi duhet të jetë objektiviteti, ekzamiminimi i kritereve. Nuk duhet të bazohet nga perceptimet e kërcënimit apo premtimet për favore" ishin fjalët e ambasadores para se KLP të votonte.
Preferencën e tij për drejtimin e SPAK, kryeministri Rama nuk e shprehu asnjëherë publikisht, por duke parë ngulmimin e ambasadores Juri Kim tentoi ta përcjellë atë me një mesazh në Tëitter të Olta Xhaçkës që njoftoi se procedurat për largimin e Kim kanë nisur tashmë./Lapsi.al
