Ish-ministri Arben Ahmetaj ka reaguar për herë të parë në lidhje me akuzat e fundit për lidhjet e tij me inceneratorët. Pak ditë më parë në media u publikuan e-maile se ai ka qëndruar së bashku me bashkëshorten në hotele luksoze të paguara nga Klodian Zoto. Madje këto e-maile u dorëzuan në SPAK nga një gazetar.
Por në një reagim për emisionin "Të Paekspozuarit", Ahmetaj mohon gjithçka. Ai shprehet se bëhet fjalë për dokumente jo origjinale. Ish-ministri mohon të ketë udhëtuar ndonjëherë me Klodian Zoton apo të ketë përdorur kartën e tij.
Ahmetaj thotë se sulmi ka lidhje me detyrën e tij dhe mund të jetë e nxitur nga persona që nuk kanë pëlqyer qëndrimet e tij zyrtare si ministër, ose mund të bëhet fjalë për gjobëvënie.
“Nuk janë dokumente origjinale. As kam udhëtuar e as kam përdorur kartën e ndokujt. Nuk kam asnjë lidhje me procedurën. Dikujt nuk i kanë pëlqyer qëndrimet e mia zyrtare si ministër. Ndoshta bëhet fjalë edhe për gjobëvënie.
Nuk kam udhëtuar kurrë me Zoton dhe as kam përdorur kartën. Një tufë me media i marrin të mirëqena letrat. Unë kam udhëtuar vetëm me miq dhe ish-miq të mi, e Zoto nuk është as njëra, as tjetra”, - ka deklaruar Ahmetaj. ©LAPSI.al
LEXO EDHE: Faturat e inceneratorëve, si çarteri i Ramës
