Pas përfundimit të mbledhjes me drejtuesit e qarqeve, kryeministri i Shqipërisë Edi Rama është pyetur se a do ta ndihmonte Shqipëria Kosovën me forca policore. Kësaj pyetje Rama iu përgjigj me pyetje, duke thënë se për çfarë arsye duhet të ndihmohet Kosova e cila është shtet i pavarur.
“Për çfarë arsye duhet ta ndihmojë Shqipëria me forca policore dhe për çfarë arsye Kosova që është një shtet sovran duhet të ketë forca policore në territorin e saj, që është territor integritetin e mbron një bashkësi e tërë ndërkombëtare”, tha Rama.
Pyetje: A keni pasur një komunikim me presidentin serb Aleksandër Vuçiç për situatën në veri?
Rama: Jo.
Gjashtë barrikadat e ngritura më 10 dhjetor, bllokuan rrugët që çojnë drejt pikave kufitare me Serbinë, Jarinjë dhe Bërnjak. Ky veprim i serbëve lokalë erdhi pasi Policia e Kosovës arrestoi ish-zyrtarin serb të këtij institucioni, Dejan Pantiq, nën dyshimet se ka organizuar “sulm terrorist” në zyrat e Komisionit Qendror të Zgjedhjeve në veri të Kosovës. Ndaj tij u caktua një muaj paraburgim.
