“Me vdekjen e presidentit rus Vladimir Putin, lufta në Ukrainë do të përfundonte”. Këto janë fjaët e Presidentit ukrainas Volodymyr Zelensky në një intervistë për David Letterman në programin e tij në Netflix. “Le të supozojmë se Putini ftohet keq dhe vdes. Apo nëse ai bie aksidentalisht nga dritarja dhe vdes. A do të vazhdojë lufta?" – ishte pyetja e Letterman. Zelensky u përgjigj prerë: "Jo". Më pas shtoi: "Nuk do të kishte luftë. Jo."
"Regjimi autoritar është i rrezikshëm sepse përfshin rreziqe të mëdha. Nuk mund të lejosh që vetëm një person të ketë kontroll mbi gjithçka. Sepse, kur ai dështon, institucionet ndalojnë", - shpjegoi Zelensky. Intervistë ishte regjistruar në tetor në Kiev në thellësinë e një metroje 300 metra nën tokë.
"Kështu ndodhi në Bashkimin Sovjetik. Pastaj gjithçka u shemb. Kjo është arsyeja pse unë mendoj se nëse ai largohet. Do ta kenë të vështirë. Ata do të duhet të merren me politikë të brendshme në vend të punëve të jashtme” –tha lideri ukrainas. ©LAPSI.al
