Hakerat iranianë kanë publikuar sërish të dhëna të marra nga sulmet kibernetike të sistemeve të vendit tonë. Faqja “Homeland Justice” ka publikuar në Telegram 214 certifikata elektronike ose dëshmi penaliteti. Dokumentet mendohet se janë prodhuar nga Shërbimi Informativ i Shtetit.
Kjo nuk është hera e parë që të dhëna sensitive dalin në publik pas dy sulmeve kibernetike ndaj Shqipërisë. Më herët, hakerat iranianë publikuan të dhënat e patentave të shqiptarëve, si dhe numrat e telefonit. Gjithashtu ata kanë nxjerrë të dhëna të Drejtorit të Përgjithshëm të Policisë së Shtetit, Muhamet Rrumbullaku, të nëndrejtorit të ri të SHISH Oljan Kanushi, si dhe udhëtimet jashtë vendit të kryeministrit, Edi Rama.
